Media dhe gjyqësori, raportet dhe perspektivat

Brikena Kasmi*

Duke pasur parasysh rolin e shumëfishtë të Gjyqësorit, një magjistrat është subjekt i kufizimit të të drejtave të tij në proporcion me rëndësinë e ushtrimit të funksionit dhe detyrës që ai ushtron. Kështu, disa të drejta themelore të cilat zakonisht nuk janë subjekt i kufizimit për qytetarët e tjerë, të tilla si liria e shprehjes ose liria e mbledhjes, janë të kufizuara për gjyqtarët e prokurorët. Nga ana tjetër, është i pamohueshëm roli që një media luan në informimin e drejtë të publikut. Kjo për arsye reale, sepse të drejtat dhe detyrimet, pavarësisht nëse është qytetar apo magjistrat, ndërveprojnë me detyrat që përfshihen në funksionin apo pozicionin e tij/saj. Detyrat mund të rrjedhin në përputhje me të drejtën penale të përgjithshme apo me konfidencialitetin për shkak të profesionit (p.sh. sekreti), por edhe nga rregullat disiplinore apo kërkesa thjesht etike. (Rasti i veshjes së një gjyqtareje). Komunikimi i Gjyqësorit me median duhet në radhë të parë të shihet nga këndvështrimi i kërkesave etike dhe ligjore për gjyqtarët dhe prokurorët.

PD-PS, 710 mijë USD për spotet

PERFAQESUESIT E “MJAFT” DJE DUKE PUBLIKUAR SHIFRAT E MONITORIMIT TE FUSHATES

Lëvizja “Mjaft” publikon raportin e shpenzimeve të partive për një javë fushatë elektorale. Shpenzimet, më shumë se fondet që partitë morën nga KQZ.

Për vetëm një javë fushatë, pesë parti kanë shpenzuar 830 mijë USD për spotet publicitare. Lëvizja “Mjaft” ka publikuar dje të dhënat e para të projektit “Për monitorimin e shpenzimeve të partive politike gjatë fushatës elektorale 2013”, ku rezulton se pjesën kryesore të kësaj shume e kanë shpenzuar Partia Demokratike dhe Partia Socialiste. Raporti është mbështetur nga Ambasada Holandeze në Tiranë dhe Zyra e Marrëdhënieve me Publikun e Ambasadës së SHBA-ve në Tiranë.

Kasetat e partive, Lleshi: Është vendim i partive, jo i KQZ

Kryetarja e Komisionit Qendror të Zgjedhjeve, Lefterije Lleshi, deklaroi dje se vendimi i marrë pak ditë më parë që detyron televizionet private të pranojnë kasetat e përgatitura në selitë e partive, është i zbatuar në Kodin Zgjedhor. Lleshi tha dje se KQZ ka zbatuar në çdo pikë nenin 84 të Kodit Zgjedhor, që është miratuar me konsensus nga PD dhe PS. Kryetarja e KQZ-së shtoi se vetë partitë politike kanë vendosur në Kod që mediat të detyrohen të pasqyrojnë aktivitetet e tyre me materiale të cilat i vihen në dispozicion nga këto parti. “Vendimmarrja e KQZ-së është e bazuar në Kodin Zgjedhor dhe, i cituar nen për nen nga ky Kod, që është një produkt i prodhuar nga partitë politike. Kanë qenë këto parti politike që me konsensus të plotë kanë kaluar ndryshimet në Kodin Zgjedhor dhe, ajo që është relatuar në vendim nga KQZ ka qenë posaçërisht neni 84 dhe konkretisht, që thotë se: “Informacionet mbi aktivitete të fushatës zgjedhore, që përgatiten dhe transmetohen në edicionet informative, bazuar në materiale të vëna në dispozicion nga subjektet zgjedhore”, theksoi Lleshi.

KQZ: Televizionet të pranojnë kasetat e partive ose gjobiten

Televizionet private dhe radiot do të jenë të detyruara që të transmetojnë gjatë fushatës zgjedhore materialet filmike apo audio të përgatitura nga partitë politike.  Dje, KQZ miratoi me katër vota pro vendimin që detyron operatorët radiotelevizivë të pranojnë kasetat e përgatitura nga forcat politike, ose në të kundërt do të gjobiten. Në Kodin Zgjedhor, i miratuar me konsensus nga PD dhe PS, thuhet se operatorët radiotelevizivë, në rast se nuk respektojnë minutazhin politik gjatë edicioneve informative, mund të gjobiten nga KQZ deri në 3 milionë lekë të rinj për operatorët kombëtare dhe 1.5 milionë lekë për operatorët vendorë. Këto gjoba që vendosen nga KQZ kthehen në tituj ekzekutivë dhe zbatohen nga Përmbarimi. “Ankimi ndaj vendimit nuk pezullon ekzekutimin e tij. Në rast përsëritjeje të shkeljes, KQZ-ja urdhëron KKRT-në të bëjë bllokimin e transmetimit të operatorit radioteleviziv për 48 orë.

Treguesit për internetin, Shqipëria zbret me 15 vende

Tregtuesit që lidhen drejtpërdrejt me teknologjinë e informacionit në totalin e tyre kanë shënuar një përkeqësim, duke e ulur Shqipërinë me 15 vende në renditjen që bën raporti i Forumit Ekonomik Botëror. “Teknologjia e Informacionit 2013” është publikimi i fundit që mes 144 vendeve mat treguesit që lidhen me internetin. Shqipërinë e rendit në vendin e 83-të, ndërsa një vit më parë vendi ynë renditej i 68-ti. Vlerësimi minimal me pikë është 0, ndërsa ai maksimal është 7 dhe në total vendi ynë ka shënuar 3.8 pikë.

Katër shtyllat

Vlerësimin mbi lexueshmërinë e rrjetit Forumi Ekonomik Botëror e bën në bazë të katër shtyllave kyçe. E para është ajo lidhur me indeksin e mjedisit, ku Shqipëria renditet e 84-ra dhe problemi kyç në këtë aspekt është mjedisi politik dhe rregullator, ku Shqipëria renditet e 102-ta mes 144 vendeve.